ТОШКЕНТ, 22 июн — Sputnik. Жорий йилнинг январь-май ойларида 1,6 млн нафар Ўзбекистон фуқаролари туристик мақсадларда хорижга сафар қилган. Ўзбекистонликлар 5 ой давомида энг кўп Қирғизистонга борган, дея хабар бермоқда Статистика агентлиги.
Маълумотларга кўра, 650,7 минг нафар ўзбекистонлик Қирғиз Республикасига, 422 минг нафари Тожикистонга, 255,7 минг нафари Қозоғистонга сафар қилган.
Шунингдек, беш ой мобайнида Россияга 65,1 минг нафар, БААга 59 минг нафар, Туркияга 52,7 минг нафар, Саудия Арабистонига 24,4 минг нафар, Кувайтга 20,7 минг нафар, Мисрга 9,1 минг нафар, Озарбайжонга 8,3 минг нафар Ўзбекистон фуқароси борган.
Эслатиб ўтамиз, январь-май ойларида 1,4 млн нафар Ўзбекистон фуқаролари қариндошларини йўқлаш мақсадида хорижга сафар қилган.