Ҳар куни истеъмол қилиш керак бўлган 10 та сабзавотни биласизми?

Ўз соғлиғига бефарқ бўлмаган одамнинг рациони витаминлар ва минералларга бой бўлиши керак. Зарур витаминлар ва фойдали элементларни қуйидаги сабзавотлар таркибидан топиш мумкин.

Сабзи. Cабзи таркибида В, РР, С, Е, К гуруҳлари витаминлар бор. Бундан ташқари, унинг таркибида каротин бор, у инсон организмида А витаминига айланади. Бу кўз учун жуда зарур модда ҳисобланади. Сабзи, шунингдек, ошқозон ости безларининг зарда чиқариш жараёнларини фаоллаштиради, тоник таъсирга эга ва инсон иммунитет тизимини фаоллаштиради.

Помидор. Помидор С витамини, калий, фолий кислотаси ва К витаминига бой, лекин помидорларнинг энг қимматли хусусияти — улар кучли антиоксидант ва ликопен моддасининг асосий манбаи ҳисобланади. Ликопен — юрак хасталиклари ва саратон хавфини камайтиради. Ушбу модданинг кўпи керак эмас, инсон организми ушбу модданинг озгина қисмини қайта ишлашга қодир. Мутахассислар кунига 22 мг тавсия қиладилар. Бунинг учун икки ош қошиқ томат пюресини ёйиш кифоя.

Пиёз. Бу сабзавот бизни шамоллашдан ҳимоя қилувчи табиий антибиотикдир. Унинг таркибидаги фитонцидлар вирусларга қарши курашади ва юқори нафас йўлларини мустаҳкамлайди. Улар кўп сонли микробларни, жумладан стрептококклар, дизентерия, дифтерия ва сил таёқчаларини ўлдиради. Шунинг учун, куз ва қишда биз пиёзни кундалик рационга киритамиз!

Саримсоқ. Узоқ вақт давомида суперфоод ҳисобланган сабзавот. Дарҳақиқат, саримсоқ таркибида кўп миқдорда аллитсин мавжуд бўлиб, у жуда кўп доривор хусусиятларга эга. Бундан ташқари, саримсоқ холестерин ва қон босимини камайтиришга қодир ва айни пайтда у ноль калория таркибига эга.

Брокколи. Унинг таркибида озуқа толаси, оқсил, калций, калий, С витамини миқдори сабзавотларга қараганда кўпроқ. Шу билан бирга, ушбу яшил гул музлатилган ҳода ҳам ўз фойдали хусусиятларини сақлаб қола олади. Шунинг учун, иложи борича тез-тез брокколи ейишга ҳаракат қилинг.

Бақлажон. Таркибида кўп миқдорда озуқа толаси бор, бу токсинлар билан бирга танадан ортиқча суюқликни чиқариб ташлашга ёрдам беради. Шунингдек, эрувчан шакар, пектин, оқсиллар, калий, калций, фосфор, темир, магний, натрий, С, Б₁, Б₂, Б₅, РР витаминларига ҳам бой. Айтмоқчи, РР витамини никотинга қарамликдан халос бўлиш учун керак.

Кабачок. Ушбу сабзавотнинг озуқа толаси токсик моддаларни, ортиқча холестеринни ва сувни ўзига сўриб олади ва танани тозалайди. Шунингдек, ушбу сабзавот овқат ҳазм қилиш жараёнини фаоллаштиради, ошқозон ва ичакларнинг мотор ва секретор функцияларини яхшилайди. Шундай қилиб, агар сиз вазн ташлашга қарор қилсангиз — кабачок қовоқ сизга ёрдам беради!

Болгар қалампири. С витамини миқдори бўйича у наматак ва қора смородинадан кейин иккинчи ўринда туради ва сабзавотлар орасида у мутлақ чемпион ҳисобланади. Қалампирда юрак ва қон томирларининг ишини қўллаб-қувватлайдиган ноёб P витамини ҳам мавжуд.

Карам. Овқат ҳазм қилиш тизимига фойдали таъсир кўрсатади, метаболизмни рағбатлантиради, танани юмшоқ тозалайди, токсинлар ва холестеринни олиб ташлайди. Бундан ташқари, атиги 100 грамм янги ёки тузланган карам сизни 69 мг С витамини билан таъминлайди. Куз-қиш даврида айнан керакли егулик!

Лавлаги. Бу сабзавот табиий шакар манбаи ҳисобланади. Ширин илдизли экин витаминлар ва микроэлементларга, жумладан ёд, магний, калий, калций, темир ва фосфорга бой. Лавлаги овқат ҳазм қилиш ва метаболизмни яхшилайди, организмдан токсинларни олиб ташлайди, ошқозон, жигар ва юрак-қон томир тизимининг ишига фойдали таъсир кўрсатади.