Таиландда бошланган Осиё чемпионатида Ўзбекистон велоспортчилари медаллар қўлга киритди

Бугунги дастурдан ўрин олган аралаш жамоавий эстафета баҳсларида ўзбекистонлик спортчилар кумуш ва бронза медалларни қўлга киритди.
Sputnik
ТОШКЕНТ, 7 июн — Sputnik. Таиланднинг Районг шаҳрида велошоссе бўйича лицензион Осиё чемпионати бошланди. Ўзбекистон терма жамоаси унда дастлабки медалларни қўлга киритди, дея хабар берди Миллий олимпия қўмитаси.
Бугунги дастурдан ўрин олган аралаш жамоавий эстафета баҳсларида ўзбекистонлик спортчилар кумуш ва бронза медалларни қўлга киритди.
30 км масофага кечган катталар ўртасидаги пойгада Ольга Забелинская, Янина Кускова, Евгения Голотина, Алексей Фомовский, Дмитрий Бочаров, Бегзод Раҳимбоевдан иборат жамоа кумуш, Асал Ризаева, Севинч Йўлдошева, Моҳинабону Элмуродова, Фарруҳ Бобошеров, Диёр Тоҳиров ҳамда Камолиддин Баҳриддиновдан иборат ёшлар жамоаси эса бронза медалига сазовор бўлишди.
Аралаш жамоавий эстафета, катталар:
1. Қозоғистон;
2. Ўзбекистон;
3. Хитой.
Ёшлар:
1. Қозоғистон;
2. Таиланд;
3. Ўзбекистон.
Мусобақа U-18, U-23 ва катталар ўртасида ўтказилмоқда.
Чемпионат дастуридан ўрин олган эркаклар ва аёллар ўртасидаги гуруҳ пойгаси йўналиши лицензион ҳарактерга эга бўлиб, унда 1-2-ўринни эгаллаган спортчилар Париж-2024 Олимпия ўйинларига тўғридан тўғри йўлланма олади. Мусобақа 13 июнга қадар давом этади.