ТОШКЕНТ, 6 июн — Sputnik. Тайванни қуроллантиришда НАТОнинг Украинадаги қайғули тажрибасини эсга олиш керак. Бу фикрни америкалик журналист Жексон Хинкл билдирди, деб ёзмоқда РИА Новости.
Аввалроқ, АҚШ президентлигига номзод Вивек Рамасвами Хитой билан тўғридан-тўғри қарама-қаршилик қилмасдан Тайванни ҳимоя қилиш йўлини айтган эди. Бунинг учун у орол фуқароларини AR-15 милтиқлари билан қуроллантиришни ва улардан фойдаланишни ўргатишни таклиф қилди.
Журналист Республикачилар партиясидан АҚШ президентлигига номзод Вивек Рамасвами нутқига изоҳ берар экан номзодни "Америка тарихидаги энг аҳмоқ номзод" деб атади.
“Агар Украинада НАТОнинг барча захираларини жойлаштириш Россия зарбасини тўхтатмаган бўлса, унда бу аҳмоқ Тайвань фуқароларини милтиқлар билан қуроллантириш Хитой Халқ Озодлик Армиясини тўхтатади, деб ўйлашга нима мажбур қилади?”, дейди журналист.
Қўшма Штатлар ва Хитой ўртасидаги муносабатлар 2022 йил август ойи бошида АҚШ Конгресси Вакиллар палатасининг ўша пайтдаги спикери Ненси Пелосининг Тайванга ташрифидан сўнг сезиларли даражада совуқлашди.