ТОШКЕНТ, 2 июн — Sputnik. Ўзбекистонлик шахматчи Нодирбек Абдусатторов Норвегиядаги "Norway Chess" турнирининг 3-турида франциялик Алиризо Фируджага имкониятни бой бериб қўйди.
Ҳозирда Абдусатторов 10 нафар шахатчилар орасида 6-ўринда кетмоқда. Олдинда яна 6 тур кутиб турибди.
Нодирбек Абдусатторов и Шахрияр Мамедяров сыграют в четвертом раунде Norway Chess
© Norway Chess
Турнирнинг кейинги баҳси 3 июнь куни бўлиб ўтади. Унда Абдусатторов озарбайжонлик Шаҳрияр Мамедяровга қарши дона суради.
Эслатиб ўтамиз, ўзбекистонлик шахматчи Нодирбек Абдусатторов Норвегиянинг Ставангер шаҳрида бўлиб ўтаётган энг нуфузли классик шахмат турнирларидан бири бўлган “Norway Chess” мусобақасида иштирок этмоқда. Абдусатторов турнирнинг 2-турида қора доналарда мезбон Арян Тарини мағлубиятга учратди. (1.0/6 ; 4.0/6).
Мусобақа 9 июнга қадар давом этади. Унинг соврин жамғармаси 2,5 миллион кронни ташкил этади (тахминан 243 минг доллар). Ғолиб 750 минг крон (тахминан 67,6 минг доллар) олади.