ТОШКЕНТ, 26 май — Sputnik. 25 май куни Самарқанд вилояти Пахтачи туманидаги Зарафшон дарёсига чўмилиш учун борган 3 нафар бола эҳтиётсизлик сабаб чўкиб кетди. Бу ҳақда Бош прокуратура матбуот котиби хабар берди.
ФВБ ҳамда ИИБ ходимлари томонидан олиб борилган қидирув ишлари натижасида 1 нафар боланинг мурдаси топилган. Қолган 2 нафар болани қидириб топиш ишлари олиб борилмоқда.
Таъкидланишича, ҳозир марҳумнинг ўлими бўйича суд-тиббиёт экспертизаси тайинланган.
Терговга қадар текширув ҳаракатлари давом этмоқда.
Бош прокуратура фуқаролардан чўмилиш рухсат этилмаган, тақиқланган, оқим тезлиги юқори бўлган, чуқур, ўзига нотаниш бўлган сув ҳавзаларида чўмилмаслик қоидаларига қатъий риоя қилишни сўраган.