ТОШКЕНТ, 22 май — Sputnik. Запорожье АЭС охирги юқори вольтли линиянинг ўчирилиши сабабли ташқи электр таъминотисиз қолди, у дизел генераторларига ўтказилди, деб хабар берди станциянинг Telegram-каналида.
"750 киловольтли юқори вольтли линиянинг узилиши натижасида Днепр Запорожья АЭС ташқи электр таъминотидан маҳрум бўлди. Ўз эҳтиёжлари учун электр таъминоти дизел генераторларидан амалга оширилмоқда", — дейилган хабарда.
Линиянинг узилиши сабаблари ўрганилмоқда. АЭС участкаси, санитария-ҳимоя зонаси ва кузатув зонасидаги радиациявий фон ҳозир нормал ҳолатда.
Запорожье атом электр станцияси Днепрнинг чап қирғоғида, Энергодар шаҳри яқинида жойлашган. Бу блоклар сони ва ўрнатилган қуввати бўйича Европадаги энг йирик атом электр станцияси ҳисобланади — ҳар бири бир гигаватт қувватга эга 6та энергия блоки.
Ўтган йилнинг март ойидан бери Россия ҳарбийлари станцияни ҳимоя қилмоқда. Ташқи ишлар вазирлиги бу ядровий ва радиоактив материаллар сизиб чиқмаслиги учун зарур эканлигини таъкидлади.
Шу билан бирга, Украина қўшинлари станцияни ҳам, қўшни Энергодарни ҳам мунтазам равишда ўққа тутмоқда. Мудофаа вазири Сергей Шойгунинг сўзларига кўра, шу йўл билан Киев режими ядровий фалокат таҳдиди кўринишини яратишга ҳаракат қилмоқда.