Намангандаги Гуллар фестивалида гулли либослар тақдим этилди – фото

НАМАНГАН, 21 май — Sputnik. Наманганда ўтказилаётган 62-халқаро гуллар фестивалида гулли либослар тақдимоти бўлиб ўтди. Бу ҳақда Sputnik мухбири хабар берди.

Унда ипак, атлас, шойи, оқ адрас каби матолардан миллий либослар тақдим қилинди. Либосларда лола, атиргул, нилуфар гули, тоғ гуллари, атлас нақши туширилган.

Дастурдан шаҳар маркази кўчалари бўйлаб гулли либослар иштирокидаги “Fashion street shou” ўрин олган. Халқаро ҳунармандлар ярмаркаларида мазкур либосларнинг кўргазмалари ўтказилади ҳамда савдо стендлари ташкил этилади.

Бугун Наманган шаҳри марказида жойлашган Бобур истироҳат боғида 62-халқаро гуллар фестивалининг очилиш маросими ўтказилди. Тадбирларда Россия, Беларусь, Қозоғистон, Қирғизистон, Туркия, Озарбайжон каби 52 та мамлакатдан меҳмонлар иштирок этмоқда.

Фестиваль дастуридан халқаро ҳунармандлар ярмаркалари, лазер ва дрон шоулар, вилоят мусиқали драма театрининг спектакллари, шоу концертлар ўрин олган.