ТОШКЕНТ, 19 май — Sputnik. Шавкат Мирзиёев Хитойда Эмомали Раҳмон билан Ўзбекистон ва Тожикистон ўртасидаги кўп қиррали ҳамкорликни янада ривожлантириш масаласини кўриб чиқди.
Шавкат Мирзиёев Сиань шаҳрида ўтаётган Марказий Осиё мамлакатлари ва Хитой саммити доирасида Тожикистон президенти Эмомали Раҳмон билан учрашув ўтказди.
Лидеры Узбекистана и Таджикистана обсудили актуальные вопросы двусторонней повестки
© Пресс-служба президента Узбекистана
Кўриб чиқилган долзарб масалалар:
Ўзбекистон билан Тожикистон ўртасидаги кўп қиррали ҳамкорликни янада ривожлантириш;
стратегик шериклик ва иттифоқчилик муносабатларини кенгайтириш.
Етакчилар иқтисодий ҳамкорлик бўйича Ҳукуматлараро қўшма комиссиянинг 12 май куни Тошкент шаҳрида ўтган навбатдаги йиғилишининг самарали якунларини юксак баҳолашди.
Ўзаро товар айирбошлаш ҳажмини ошириш ва саноат кооперацияси лойиҳаларини, шу жумладан энергетика, машинасозлик, қишлоқ хўжалиги, транспорт-коммуникация ва бошқа тармоқларда илгари суриш бўйича қабул қилинган қарорларни амалда бажариш муҳимлиги таъкидланди.
Ўзбекистон ва Тожикистон раҳбарлари минтақавий кун тартибидаги долзарб масалалар юзасидан ҳам фикр алмашиб, бўлажак тадбирлар режасини кўриб чиқишди.