ТОШКЕНТ, 17 май — Sputnik. Қозоғистонда юз берган йўл-транспорт ҳодисаси (ЙТҲ) оқибатида икки ўзбекистонлик ҳалок бўлди. Бу ҳақда "Мусофир" Telegram-канали мамлакат ИИВ хабарига таянган ҳолда хабар берди.
Қайд этилишича, Ақтўбе вилоятидаги Самара-Чимкент йўлида "Toyota RAV-4" ва "Chevrolet Lacetti" машиналари тўқнашиб кетган. Натижада "Lacetti" ҳайдовчиси ва бир йўловчиси (Ўзбекистон фуқаролари) воқеа жойида вафот этган.
Шунингдек, тўқнашув оқибатида яна олти киши, жумладан, беш ёшли бола касалхонага ётқизилган.
Два иностранца погибли в ДТП в Актюбинской области
© МВД Республики Казахстан
Воқеа юзасидан суриштирув ишлари бошланган.