ТОШКЕНТ, 8 май — Sputnik. 1 июндан жисмоний шахслар ўртасида пул ўтказмаларини (P2P) амалга оширишда электрон ҳисобварақ-фактура (ЭҲФ) бериш тартиби бекор қилинади. Бу президент Шавкат Мирзиёев 8 май куни имзолаган Конституциянинг янги таҳририни амалга ошириш бўйича биринчи навбатдаги чора-тадбирлар тўғрисидаги фармонда назарда тутилган.
Қарор "мулкий ҳуқуқларнинг ишончли ҳимоясини таъминлаш, ушбу ҳуқуқларни чеклаётган омилларни бартараф этиш, мулкий муносабатларга асоссиз аралашувга йўл қўймаслик мақсадида" қабул қилинган.
Чунки бу тартиб янги Конституциянинг 41-моддасига (банк операцияларининг, омонатларнинг ва ҳисобварақларнинг сир тутилиши, шунингдек мерос ҳуқуқи қонун билан кафолатланади) зид келади.
Эслатиб ўтамиз, 2023 йил 1 майдан бошлаб тўлов ташкилотлари P2P пул ўтказмаларини амалга ошираётганда хизмат учун ЭСФ, жумладан, ноль комиссия билан расмийлаштириши ва тақдим этиши шарт. Яъни ўтказмалар тўғрисидаги маълумотлар солиқ органларига ўтказилиши керак.