ТОШКЕНТ, 7 май — Sputnik. Киев режими томонидан уюштирилган терактлардан мақсад ҳақиқатни айтганларни қўрқитиш ва йўқ қилишдир, дейди Россия Давлат Думаси спикери Вячеслав Володин.
“Қонли Киев режими томонидан терактлар уюштирилган: ҳарбий мухбир Владлен Татарский, сиёсатшунос Дарья Дугинанинг ўлдирилиши, Захар Прилепиннинг ҳаётига суиқасд... Бу терактлар ҳақиқатни айтганларни қўрқитиш ва йўқ қилишга қаратилган эди”, - деб ёзади Володин.
Володиннинг таъкидлашича, Киев режими нафақат жанг майдонида, балки мафкуравий жабҳада ҳам Россияга қарши курашда Вашингтоннинг қуролига айланди.
“Россиянинг кучи жамиятни бирлаштиришда”, - деди Володин.
Унинг қўшимча қилишича, Вашингтон ва Брюссель “Россияни севадиган, тарихни, миллий қадриятларни ҳимоя қиладиган” жамоатчилик фикри етакчилари билан курашиш учун ҳамма нарса қилмоқда.
Шунингдек, у Россия Федерацияси Федераль хавфсизлик хизмати кўплаб суиқасдларнинг олдини олишга муваффақ бўлганини таъкидлади.
“Бугун Украинада Киев террорчи режимини қораловчи овозлар тобора кўпроқ эшитилмоқда. Зеленский ва унинг тарафдорлари бунга ҳар томонлама қарши курашмоқда”, - деди Володин.
Эслатиб ўтамиз, куни кеча россиялик ёзувчи Захар Прилепиннинг автомобили Нижний Новгородда портлатилган эди.