ТОШКЕНТ, 7 май — Sputnik. Баҳодир Жалолов пойтахт мезбонлик қилаётган жаҳон чемпионатида австралиялик рақибига имконият қолдирмади.
Энг оғир вазн тоифасида Токио-2020 Олимпиадаси чемпиони Баҳодир Жалолов жаҳон чемпионатида яна бир ғалабани расмийлаштирди. Бу гал ўзбекистонлик боксчи австралиялик Теремоана Теремоана устидан ғалабага эришиб, иккинчи чемпионлик сари дадил қадам ташлади.
Бундан аввал Баҳодир Жалолов азалий рақибларидан бири баҳрайнлик Денис Латипов билан жанг қилганди. Якунда Олимпиада чемпиони катта қийинчиликсиз кейинги босқич масаласини ҳал қилганди.