ТОШКЕНТ, 6 май — Sputnik. Ўзбекистон президенти мамлакатимизда ФИФАнинг йирик тадбирларини ўтказишни таклиф этди. Бу ҳақда Шавкат Мирзиёев ва Халқаро футбол федерацияси раҳбари Жанни Инфантино иштирокидаги учрашувда маълум қилинди.
Учрашувда мамлакатда футболни оммалаштириш ва йирик тадбирларни биргаликда ўтказиш масалалари кўриб чиқилди.
Шавкат Мирзиёев
© Пресс-служба президента Узбекистана
Жанни Инфантино мамлакатда футболни ривожлантириш ислоҳотларини юксак баҳолади ва тўлиқ қўллаб-қувватлади.
Учрашувда Ўзбекистон футбол ассоциацияси ва ФИФА ўртасидаги ҳамкорлик юксак даражада экани, унинг доирасида бугунги кунда Ўзбекистонда замонавий футбол кластерини ташкил этиш чоралари кўрилаётгани алоҳида қайд этилди.
Ўзбекистонда жаҳон миқёсидаги спорт тадбирлари ва биринчиликларига тайёргарлик кўриш ва ўтказиш, миллий терма жамоани тайёрлаш, инфратузилмани ривожлантириш ва Ассоциация салоҳиятини оширишга техник кўмакни кенгайтириш ҳамда иқтидорли футболчиларни селекция қилиш тизимини ишлаб чиқиш масалаларига алоҳида эътибор қаратилди.
Шавкат Мирзиёев
© Пресс-служба президента Узбекистана
Учрашувда Жанни Инфантино президентга "Mirziyoyev 24" рақами туширилган футболка тақдим этди. Маълумот учун Шавкат Мирзиёев "24" июль санасида туғилган.
Шавкат Мирзиёев
© Пресс-служба президента Узбекистана
Бугунги кунда футболкадаги рақамлар ёрдами билан мухлислар, мураббийлар, ҳакамлар майдондаги ўйинчиларни фарқлайдилар. Футболчилар ўз рақамларини 1 дан 99 гача танлашади.