ТОШКЕНТ, 5 май — Sputnik. Ўзбекистон ташқи ишлар вазири Бахтиёр Саидов ШҲТ Ташқи ишлар вазирлари кенгаши йиғилишида иштирок этди.
© Пресс-служба МИД Узбекистана
Ўзбекистон ТИВ раҳбари ўзининг Telegram-каналида маълум қилишича, Ҳиндистон, Покистон, Россия, Тожикистон, Хитой, Қозоғистон ва Қирғизистон вазирлари Гоа штатида Шанхай ҳамкорлик ташкилоти ташқи ишлар вазирлари кенгашининг сермаҳсул йиғилишини ўтказди.
© Пресс-служба МИД Узбекистана
“Саммитга тайёргарлик кўриш чоғида тинчлик ва барқарорликни таъминлаш, изчил тараққиётни қўллаб-қувватлаш, ҳамкорликни кенгайтириш ва бошқа кўплаб масалаларни қамраб олган ШҲТнинг кенг кўламли кун тартибини кўриб чиқдик”, - деб ёзади Саидов.
© Пресс-служба МИД Узбекистана
Ҳиндистоннинг Гоа штатида 4-5 май кунлари Шанхай ҳамкорлик ташкилоти (ШҲТ) ташқи ишлар вазирининг навбатдаги йиғилиши бўлиб ўтмоқда. Унда ТИВ раҳбарлари 3-4 июль кунлари Нью-Деҳлида бўлиб ўтиши режалаштирилган ШҲТга аъзо давлатлар раҳбарлари Кенгашининг навбатдаги мажлисини мазмунли тўлдириш масалаларига алоҳида аҳамият берадилар. Тегишли ҳужжатлар ва қарорлар лойиҳалари кўриб чиқилади. Бундан ташқари, вазирлар халқаро ва минтақавий кун тартибидаги долзарб мавзуларни муҳокама қиладилар.