ТОШКЕНТ, 4 май — Sputnik. Наманган вилоятининг Поп туманида Россия, Қирғизистон, Қозоғистон, БАА, Жанубий Корея давлатларига мавсумда биринчилардан бўлиб сифатли ўрик меваси экспорти бошланди. Бу ҳақда Наманган вилояти ҳокимлиги матбуот котиби Фарҳод Мамадалиев Sputnik мухбирига маълум қилди.
Қайд этилишича, унумсиз тошлоқ ерларни ўзлаштириш дастури асосида ташкил этилган Поп туманидаги “Нуран уз" мева-сабзавотчилик кластери бу йилги ўрик экспортини бошлади.
© Архив хокимията Наманганской области
“Ҳозирда 500 нафар мавсумий 50 нафар доимий ишчи ўрни яратган мева-сабзавотчилик кластери бу йилги мавсум давомида ўрикнинг ўзидан 1000 тонна атрофида ҳосил олиш ва хориж давлатларига экспорт қилишни режалаштирилган”, - дейди Фарҳод Мамадалиев.
© Архив хокимията Наманганской области
Унинг қўшимча қилишича, тумандаги ерлар яроқсиз ҳолатдан яшил масканга айлантирилган.
© Архив хокимията Наманганской области
Майдонга 4 та қудуқ қазилиб, 102 гектар ҳудудда томчилатиб суғориш йўли билан Испания давлатидан келтирилган эртапишар, ҳосилдор ўрик, шафтоли, наъматак навлари экилган.
© Архив хокимията Наманганской области
Шунингдек, Наманган вилоятининг Чортоқ тумани Оқ ариқ маҳалласида Россия билан ҳамкорликда йирик мевачилик кластери қуриш лойиҳаси бўйича ишлар бошланган.