ТОШКЕНТ, 3 май — Sputnik. 9 май куни Қизил майдонда режа қилинганидек, Ғалаба паради бўлиб ўтади. Унда Россия президенти Владимир Путин иштирок этади, деди Путиннинг матбуот котиби Дмитрий Песков.
У Кремлга дрон ҳужуми муносабати билан жадвалда ҳеч қандай ўзгаришлар бўлмаганини тушунтирди.
“Парад бўлиб ўтади. Режаларда ҳеч қандай ўзгаришлар йўқ”, - дея тасдиқлади Песков.
Эслатиб ўтамиз, Киев чоршанбага ўтар кечаси Россия президенти Владимир Путиннинг қароргоҳи – Кремлга дронлар билан зарба беришга уринди.