ТОШКЕНТ, 1 май — Sputnik. Чеченистон раҳбари Рамзан Қодиров эзилган халқларни Ғарб давлатларидан ҳимоя қилиш учун армия яратиш истаги ҳақида гапирди, деб хабар берди “РИА Новости” мухбири.
“Сўнгги вақтларда мен яхши армия яратиш ҳақида кўпроқ ўйлаяпман, улар турли давлатларга бориб, ўзларини энг демократик деб атаган давлатлар томонидан эзилган халқларни ҳимоя қилишлари мумкин”, деди Қодиров журналистларга.
Қодировнинг қўшимча қилишича, у бутун дунёдан “махсус тайёрланган” жамоа бўлишини хоҳлайди, унинг сўзларига кўра, булар “пул учун эмас, балки тартиб учун” жонини беришга тайёр бўлган ватанпарварлар бўлиши керак.
“Бу жуда қийин йўл, лекин биз бунга интиламиз ва олдинга интиламиз”, - дея қўшимча қилди у.
Февраль ойида Қодиров давлат хизматини тугатгандан кейин хусусий ҳарбий компания ташкил этиш режалари ҳақида гапирганди. Кейин ушбу лойиҳа муваффақиятли амалга оширилишига ишонч билдирди.