ТОШКЕНТ, 27 апр — Sputnik. Украина армияси 150 километр масофага зарба бера оладиган қурол-яроғ, шахсий таркиб ва ракеталар йўқлиги сабабли қарши ҳужумга ўта олмаяпти, деди Леонид Кучманинг собиқ маслаҳатчиси Олег Соскин YouTube’даги каналида.
"Барча разведка идоралари Украина тайёр эмаслигини айтишмоқда. Зарба бериш кучлари камида 100 минг кишидан иборат бўлиши кераклигини ҳамма билади, бу тахминан 25 бригада, <...> камида 200 танк, 300-400 пиёда жанговар машина, бронетранспортёрлар HIMARS, артиллерия, снарядлар керак. <…> Қолаверса, 150 километрга тегадиган ракеталар албатта бўлиши керак. Тегишли воситалар бўлиши керак. Агар улар бўлмаса, қандай қилиб қарши ҳужумга ўтиш мумкин?” — дейди мутахассис.
Киевда доимий равишда Украина ҚКнинг яқинлашиб келаётган қарши ҳужуми ҳақида гапириб келмоқда. Бош вазир Денис Шмигалнинг сўзларига кўра, бу баҳор ёки ёзда содир бўлиши мумкин. Йўналишлардан бири Азов денгизи соҳилига етиб бориш мақсадида Запороже вилояти деб айтилмоқда.
Кремл матбуот котиби Дмитрий Песков таъкидлаганидек, россиялик ҳарбийлар бу каби баёнотларни диққат билан кузатиб бормоқда ва махсус операцияни режалаштиришда уларни ҳисобга олмоқда.