ТОШКЕНТ, 24 апр — Sputnik. Украина сўнгги ҳафтада 4000 дан ортиқ аскарини йўқотди. Бу ҳақда ҳарбий эксперт, истеъфодаги ЛХР подполковниги Aндрей Марочко РИA Новостига маълум қилди.
“Улардан атиги ўн фоизи расман тан олинган, қолганлари бедарак йўқолганлар рўйхатида”, - деди у.
Марочконинг қўшимча қилишича, Киев расмийлари ҳарбий йўқотишлар ҳақидаги маълумотларни жамоатчилик ва қурбонларнинг яқинларидан яширади.
“Йўқ бўлган украиналик жангариларнинг қариндошлари жиноий таъқиблар қўрқуви остида ўз яқинлари ҳақида объектив маълумот олиш учун ЛХР ва ДХР омбудсманларидан ёрдам сўрашга мажбур бўлмоқда”, - дея қўшимча қилди эксперт.
Бир кун аввал Германиянинг “Der Spiegel” нашри журналисти Экхард Кляйн Aртёмовск учун жангларда Украина Қуролли кучлари катта йўқотишларга учраганини маълум қилди.
“Politico” газетаси AҚШ расмийларининг баҳоларига таяниб, март ойи ўрталарида можаро пайтида 100 мингдан ортиқ УҚК аскари, жумладан, энг тажрибали аскарлар ҳалок бўлганини хабар қилди. Худди шу рақамни ўтган йилнинг ноябрь ойида Еврокомиссия раҳбари Урсула фон дер Ляйен эълон қилган эди. Кейинчалик бу қисм унинг эълон қилинган баёнотидан бутунлай олиб ташланди.