ТОШКЕНТ, 19 апр — Sputnik. Ўзбекистон ташқи ишлар вазири в.б. Бахтиёр Саидов араб давлатларининг Ўзбекистондаги элчилари билан ифторлик қилди. Бу ҳақда Саидов Telegram каналида хабар берди.
“Араб давлатларининг Ўзбекистондаги элчилари билан биргаликда ифторлик қилишдан мамнун бўлдик”, - деб ёзади Саидов.
Таъкидланишича, тадбир мобайнидаги суҳбат чоғида мамлакатлар ўртасидаги барча йўналишларда истиқболли алоқаларни ривожлантириш юзасидан фикр алмашилди.