ТОШКЕНТ, 18 апр — Sputnik. Россия президенти Владимир Путин вертолётда Херсон йўналишидаги “Днепр” қўшинлари гуруҳи штабига борди. Ташриф тасвирлари Кремль матбуот хизмати томонидан тарқатилди.
Путинни “Днепр” қўшинлари гуруҳи қўмондони, генерал-полковник Олег Макаревич кутиб олди. Сўнгра Путин штабга йўл олди ва у ерда ҳисобот тинглади.
Путин, шунингдек, ҳарбий хизматчиларни Пасха байрами билан табриклади ва уларга “Россия империясининг энг муваффақиятли мудофаа вазирларидан бирига тегишли” икона нусхасини берди. Путин иконани очиб, уни намойиш қилди.
Шундан сўнг Россия президенти вертолётда Миллий гвардия “Восток”нинг ЛХРдаги штабига йўл олди. Путин у ерда ҳам ушбу йўналишдаги вазият ҳақида ҳисоботларни тинглади.
Маълум қилинишича, унинг иш сафарлари олдиндан режалаштирилмаган.