ТОШКЕНТ, 14 апр — Sputnik. Украинадаги инқироз учун жавобгарлик тамомила АҚШ зиммасида. Бу ҳақда Куба президенти Мигель Диас-Канель маълум қилди.
“АҚШ ҳукумати можаронинг биринчи сабабини бузиб кўрсатди ва ўзининг улкан медиа кучи эвазига Россияга қарши нафрат ҳиссини уйғотди. Мен ҳисоблайманки, айнан улар русофобияни қўзғатишди ва Россияни айбдор қидиб кўрсатиб, можаронинг ҳақиқий сабабларини яширишди. Мен ҳақиқатдан ўйлайманки, бу можарони яратишда АҚШ ҳукуматининг ўзи айбдор”, - деди Куба раҳбари ливанлик журналистга берган интервьюсида. Интервью Кубанинг "Mesa redonda" ахборот-таҳлилий дастурида кўрсатилган.
Диас-Канелнинг сўзларига кўра, Вашингтон “қурол сотиш ва бу билан ички муаммоларини ҳал қилиш учун” атайлаб уруш бошлайди. Сиёсатчи можаро оқибатида АҚШдан ташқари бошқа ҳамма давлатлар жабр кўришини таъкидлади.
Куба етакчисининг сўзларига кўра, дунё ҳамжамияти можаро томонлари ўртасида мулоқот ўрнатишга кўмаклашувчи ташаббусларни қўллаб-қувватламоғи даркор. Шунингдек, у томонларга сулҳ мустаҳкам бўлишининг кафолатларини бериш зарур деб билади.