ТОШКЕНТ, 13 апр — Sputnik. Украинада икки нафар америкалик ёлланма аскар ҳалок бўлди, деб хабар қилди Daily Beast.
Нашрнинг ёзишича, улардан бири – Эдвард Уолтер Уилтоннинг ўлдирилгани ҳақидаги маълумотлар “Россияга хайрихоҳ блогерлар” орасида пайдо бўлган. Артёмовск учун бўлган жангларда ҳалок бўлганлиги маълум қилинган. Уилтоннинг қариндоши нашрга унинг ўлимини тасдиқлади, бироқ маълумот беришдан бош тортди.
Уилтондан ташқари, Украинада собиқ денгиз пиёдаси Греди Керпаси ҳам ўлдирилган. Унинг Украинада ўлими ҳақидаги маълумот унинг оиласи номидан GoFundMe краудфандинг платформасида чоп этилган. Ёлланма аскарнинг рафиқаси нашрга АҚШ Давлат департаменти оила билан алоқада эканлигини тасдиқлади.
2022 йил апрел ойида Россия Тергов қўмитаси Россия Мудофаа вазирлигининг Украина томонидаги ҳарбий ҳаракатларда хорижий ёлланма аскарларнинг иштироки ҳақидаги маълумотларини ўрганишини хабар қилинганди. Ўтган йилнинг ноябрь ойида Тергов қўмитаси матбуот хизмати Киев томонида жанговар ҳаракатларда қатнашиш учун ёлланма аскарларни танлашда Украинанинг хориждаги элчихоналари ходимлари ёрдам беришаётгани аниқланганини маълум қилди.