ТОШКЕНТ, 8 апр — Sputnik. Бузғунчилар шахсий ва корпоратив маълумотларни ўғирлаш, шунингдек, хавфсизлик тизимларини бузиш учун компаниялар томонидан қўлланиладиган нейрон тармоқлардан фойдаланишлари мумкин, шунинг учун улар ахборот хавфсизлиги аудитини ўтказишлари керак. Бу ҳақда РИА Новости хабар берди.
Нейрон тармоқдан шахсий ва корпоратив маълумотларни ўғирлаш учун фойдаланиш мумкин. У катта ҳажмдаги маълумотларни қайта ишлаши ва улардан махфий бўлган маълумотларни олиши мумкин.
Мутахассиснинг фикрича, маълумотларнинг сизиб чиқиши жиддий оқибатларга олиб келади. Масалан, шахсий маблағлар ва идентификация маълумотларини ўғирлаш, жосуслик ва бошқа ноқонуний ҳаракатлар.
Бундан ташқари, маълумотлар нафақат фирибгарларга, балки хорижий махсус хизматлар қўлига ҳам етиб бориши мумкин.
"Ўз фаолиятида нейрон тармоқларни татбиқ этувчи компаниялар маълумотларнинг сизиб чиқиши мумкин эмаслигига ишонч ҳосил қилиш учун ахборот хавфсизлиги аудитини ўтказиши керак", деб таъкидлади мутахассис.
У, шунингдек, нейрон тармоқлардан фойдаланадиган хизматлар фойдаланувчи маълумотларини тўплаган ва бу уларнинг ташвишларига сабаб бўлган ҳолатларни эслади.
Улардан бири 2019 йилда FaceApp суратларини таҳрирлаш можаросидир.
Фойдаланувчилар дастурга суратларни юклашди, улар қурилманинг жойлашуви, IP-манзили, қурилма идентификатори ва шахсий ҳамда яна турли маълумотлар билан бирга қайта ишланди ва компания серверларида сақланган.
Шундан сўнг, фойдаланувчилар сақланган маълумотлари уларнинг рухсатисиз нафақат реклама мақсадида, балки кузатув учун ҳам фойдаланишлари мумкинлигидан хавотир олишган.
Яна бир мисол - Google Photos, фотосуратларни сақлаш ва қайта ишлаш хизмати бўлиб, у маълумотларни автоматик равишда қайта ишлаш ва албомлар яратиш учун нейрон тармоқлардан фойдаланади.
2019 йилда Google бир неча минг фойдаланувчига дастурий таъминот хатоси таъсир қилган бўлиши мумкинлигини тан олди, бу эса баъзи фотосуратларнинг компания серверларига нотўғри юборилишига олиб келди.
Натижада, бу фотосуратлар маркетинг ёки ҳатто жосуслик мақсадида ишлатилиши мумкинлиги ҳақида хавотирлар пайдо бўлди.