ТОШКЕНТ, 3 апр — Sputnik. Кеча, 2 апрель куни пойтахтда соат 12:30 дан бошланган кучли ёғингарчилик натижасида ойлик норманинг 20 ммгача (ойлик норма 60 мм) ёмғир ёғиши кузатилди. Бу ҳақда Тошкент шаҳар ҳокимлиги матбуот хизмати хабар берди.
Cув тошқини бартараф этилди
© Тошкент шаҳар ҳокимлиги
Натижада Махтумқули кўчаси, Бунёдкор шоҳ кўчаси, Халқлар дўстлиги санъат саройи (тоннель таг қисми) олди, Жанубий вокзал олд майдони каби қатор манзилларда сув тошиши юзага келди.
Cув тошқини бартараф этилди
© Тошкент шаҳар ҳокимлиги
Қайд этилишича, 18:00 да тезкорлик билан ташкил қилинган гуруҳлар томонидан сув тошқини бартараф этилди.
Таъкидланишича, сўнгги йилларда сув тошиши кузатилаётган манзилларда кўрилган чоралар натижасида ўша ҳудудларда бундай ҳолатлар такроран кузатилмаган. Бу йўналишдаги ишлар давом этади.
Cув тошқини бартараф этилди
© Тошкент шаҳар ҳокимлиги
Шаҳар ҳокимлиги келтирилган ноқулайликлар учун узр сўраган.