Қозонда ШҲТ ўйинлари ўтказилиши кутилмоқда

Қозон ШҲТ ўйинларини ўтказишдан манфаатдор ва ҳозирда уни ўтказиш имкониятини кўриб чиқмоқда.
Sputnik
ТОШКЕНТ, 1 апр — Sputnik. Қозон минтақада Шанхай ҳамкорлик ташкилоти ўйинларини ўтказиш имкониятини кўриб чиқмоқда. Мамлакат ҳозирда Россия Спорт вазирлиги билан бу масала устида ишламоқда, дея хабар берди Sputnik Тожикистон.
Қозон ШҲТ ўйинларни ўтказишдан манфаатдор ва ҳозирда уни ўтказиш имкониятини кўриб чиқмоқда. Татаристон спорт вазири Владимир Леоновнинг айтишича, ҳозирда мусобақа схемаси тузилмоқда.
"Умуман олганда, биз ҳали ҳам Россия Федерацияси Спорт вазирлиги билан БРИКС ёки ШҲТ ўйинларини ўтказиш бўйича ишлаяпмиз. Биз бундай мураккаб мусобақаларни ўтказишдан манфаатдормиз", — деди у.
Маълумот учун, аввалроқ Нью-Деҳлида бўлиб ўтган ШҲТ давлатларининг жисмоний тарбия ва спортни ривожлантириш бўйича департаментлари раҳбарларининг йиғилишида Россия биринчи ўйинларни ўтказиш ташаббуси билан чиққан эди.
Йиғилишда Ҳиндистон, Қозоғистон, Хитой, Қирғизистон, Покистон, Тожикистон ва Ўзбекистон спорт вазирлик ва идоралари раҳбарлари иштирок этган.