ТОШКЕНТ, 31 мар — Sputnik. Энди Yandex.Go хизматлари фойдаланувчиларига фискал чекларни автоматик тарзда тақдим этилиши мумкин. Бу ҳақда Солиқ қўмитаси хабар берди.
Иқтисодиёт ва молия вазирлиги ҳузуридаги Солиқ қўмитаси раҳбарияти билан "Yandex.Go" компанияси бошқарув таркиби ўртасида учрашув ташкил этилди.
Yandex.Go
© Государственный Налоговый Комитет
Унда йўловчи ташиш ва озиқ-овқат етказиб бериш бозорида шаффофликни ошириш ва тартибга солишни такомиллаштириш, хусусан онлайн хизматларини солиқ органларининг ахборот тизимлари билан интеграциялаш масалалари кўриб чиқилди.
Yandex.Go
© Государственный Налоговый Комитет
Учрашув якунида амалга оширилаётган транзакцияларни фискаллаштириш ва "Yandex.Go" хизматлари фойдаланувчиларига фискал чекларни автоматик тарзда тақдим этиш бўйича ҳамкорликда ишлаш режалари белгилаб олинди.