ТОШКЕНТ, 30 мар — Sputnik. Ўзбекистон ташқи ишлар вазири вазифасини бажарувчи Бахтиёр Саидов Ашхободда Туркманистон президенти Сердар Бердимуҳамедов билан учрашди. Бу ҳақда Саидов ўзининг Telegram-каналида маълум қилди.
Бахтиёр Саидов Туркманистон президенти билан учрашди
© Бахтиёр Саидов
“Давлатларимиз раҳбарлари ўртасида ўрнатилган яқин ва дўстона алоқалар барча соҳаларда стратегик шерикликни ривожлантириш учун мустаҳкам замин яратмоқда”, - деб ёзади Саидов.
Бахтиёр Саидов Туркманистон президенти билан учрашди
© Бахтиёр Саидов
Шунингдек, Ўзбекистон ва Туркманистон ташқи ишлар вазирликлари ўртасида сиёсий маслаҳатлашувларнинг навбатдаги давраси бўлиб ўтди.
Бахтиёр Саидов Туркманистон президенти билан учрашди
© Бахтиёр Саидов
“Кўп асрлик муштарак тарихий меросга таянган ҳолда бугун мамлакатларимиз Марказий Осиёда изчил тараққиёт, тинчлик ва барқарорликни илгари сурмоқдалар”, - дейилади хабарда.
Таъкидланишича, доимий мулоқот ва алмашинувлар ҳар томонлама ривожлантириб борилмоқда.