ТОШКЕНТ, 23 мар — Sputnik. “Озиқ-овқат, ингредиентлар ва ишлаб чиқариш технологиялари – UzFood-2023” халқаро кўргазмасида Россиянинг 40 дан ортиқ компанияси иштирок этади. Бу ҳақда Sputnik мухбирига "Iteca Exhibitions" матбуот хизмати хабар берди.
Кўргазма 28-30 март кунлари Тошкент шаҳридаги “Ўзекспомарказ” да бўлиб ўтади. Унда дунёнинг 25 мамлакатидан 140 дан ортиқ яқин компаниялар иштирок этади. Улар орасида Беларусь, БАА, Қозоғистон, Қирғизистон, туркия, Германия, Ҳиндистон, Хитой ва Россия каби давлатлар бор.
“Россия Федерацияси компаниялари Омск, Калининград, Пенза вилоятлари, Олтой ўлкаси ва Бошқирдистон Республикасининг жамоавий экспозициялари билан намойиш этилади. Россия Федерациясидан 47 та компания иштирок этиши кутилмоқда”, — деди тадбир ташкилотчилари.
UzFood Ўзбекистон озиқ-овқат саноати ва озиқ-овқат секторидаги асосий воқеа ҳисобланади. Кўргазмада ҳар йили бутун дунёдан озиқ-овқат саноатининг етакчи ишлаб чиқарувчилари, етказиб берувчилари ва дистрибюторлари иштирок этади.
Маълумот учун, кўргазма ўз ишини соат 10:00 дан бошлайди.