Россияда айрим мигрантларга даромад солиғига 50 % гача чегирма берилиши мумкин

Рус тилида эркин сўзлашувчиларга 50 %, базавий билим учун эса 10 % чегирма берилиши кутилмоқда.
Sputnik
ТОШКЕНТ, 23 мар — Sputnik. Россияда айрим мигрантларга даромад солиғига 50 % гача чегирма берилиши мумкин. Бу ҳақда Россия ИИВнинг миграция бўйича бош бошқармаси бошлиғи Валентина Казакова маълум қилди, дея хабар берди РИА Новости.
Валентина Казакованинг сўзларига кўра, белгиланган аванс шаклида тўланадиган даромад солиғига рус тилини, тарих ва қонунчилик асосларини билиш даражасига қараб, чегирма коэффициентини жорий этиш таклиф қилинмоқда.
Қуйидаги чегирмалар кўзда тутилган:
базавий билим учун – 10%;
ўртача даража учун – 15%;
энг юқори даража учун – 20%;
рус тилида эркин сўзлашувчилар учун – бирданига 50%.
Таъкидланишича, бу рус тилини ўрганиш иштиёқини ошириши мумкин.