ТОШКЕНТ, 23 мар — Sputnik. Футбол бўйича Ўзбекистон олимпия терма жамоаси Марокашда ўртоқлик ўйинини ўтказди ва ғалабага эришди. Бу ҳақда Ўзбекистон футбол ассоциацияси (ЎФА) хабар берди.
Тоголик тенгқурларига қарши майдонга тушган Ўзбекистон жамоаси 5:3 ҳисобида ғалаба қозонди.
Муҳаммадқодир Ҳамралиев, Отабек Жўрақўзиев, Одилбек Абдумажидов, Алишер Одилов ва Сардор Маҳмудов киритган голлар Ўзбекистонга ғалаба келтирди.
Тимур Кападзе шогирдлари навбатдаги учрашувни 25 март куни Кот-д’Ивуарга қарши ўтказади.