ТОШКЕНТ, 16 мар — Sputnik. Ўзбекистон Республикаси референдумида муддатидан олдин овоз бериш жараёни 19-26 апрелда бўлиб ўтади. Бу ҳақда Марказий сайлов комиссияси мажлисида маълум қилинди.
Таъкидланишича, референдум куни ўз турар жойида бўлиш имкониятига эга бўлмаган фуқаролар муддатидан олдин овоз бериши мумкин. Муддатидан олдин овоз бериш жараёни эса 19-26 апрель кунлари бўлиб ўтади.
Эслатиб ўтамиз, “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳаси бўйича Ўзбекистон Республикасининг референдуми 2023 йил 30 апрель – якшанба куни ўтказилади.