ТОШКЕНТ, 11 мар — Sputnik. Тошкентда юк поезди вагонлари изидан чиқиб кетди. Бу ҳақда "Тошкент МТУ" хабар берди.
Ҳодиса бугун соат 11:53 ларда Ҳамза станциясида юз берди. 2101-сонли юк поезди жўнатилаётган пайтида 3 та бўш вагон издан чиққан.
Тегишли таркибий бўлинмалар томонидан зудлик билан ҳолат юзасидан керакли чора-тадбирлар кўрилган.
Бош прокуратурага кўра, воқеа жойида тергов-тезкор гурухи томонидан суриштирув ҳаракатлари олиб борилмоқда. Тан жароҳати олганлар йўқ.