ТОШКЕНТ, 22 фев — Sputnik. Ҳиндистонда ўзбек-ҳинд ҳамкорлигида ўқув машғулоти бошланди. Бу ҳақда Мудофаа вазирлиги хабар берди.
“Дўстлик-2023” биргаликдаги ўзбек-ҳинд ўқуви Питхорагарх шаҳридаги тоғли ҳудудда жойлашган Garhwal Rifles 14-баталёнида ўтказилмоқда. Унда Ўзбекистондан 45 нафар ҳарбий хизматчи қатнашмоқда.
© Министерство Обороны Узбекистана
Тадбирда Garhwal Rifles 32-бригада командири бригадир Маянк Ваид ва Мудофаа вазирлиги масъул офицери подполковник Шавкатжон Сармонқулов сўзга чиқишди.
© Министерство Обороны Узбекистана
Тантанали тадбирдан сўнг икки мамлакат ҳарбий контингенти вакиллари учун брифинг ҳамда жамоавий суратга тушиш тадбирлари ташкил этилди.
© Министерство Обороны Узбекистана
Ўқув машғулотининг илк кунидан иштирокчиларга Ҳиндистон давлатининг тарихи, маданияти, ҳудудий бўлиниши, урф-одат ва анъаналари, ҳарбий салоҳияти ва мудофаа қудрати, армиянинг ташкилий тузилмаси ҳақида маълумот берилди.
© Министерство Обороны Узбекистана
Шундан кейин ҳамкорликдаги ўқув машғулоти иштирокчилари учун Ҳиндистон қуролли кучларида фойдаланиладиган қурол-аслаҳалар таништирилди.
© Министерство Обороны Узбекистана
Машғулотлар доирасида ўтказиладиган тадбирлар:
Икки давлат ҳарбий хизматчиларининг шартли террористик гуруҳларини қидириб топиш
Йўқ қилиш;
Тоғли тўсиқларни енгиб ўтиш ҳамда тоғли ўрмон шароитларида жанговар операцияларни бажариш;
Махсус вазифалар;
Спорт ва маданий-маърифий тадбирлар.
Ҳамкорликдаги ўқувлар 5 март кунига қадар давом этади.