ТОШКЕНТ, 19 фев — Sputnik. Тошкент вилоятида “Jeep-sprint” халқаро мусобақаси бўлиб ўтади. Бу ҳақда Тошкент вилояти ҳокимлиги ахборот хизмати хабар берди.
Таъкидланишича, вилоят ҳокимлиги Ўзбекистон республикаси Авто-мото туризм ассоциацияси билан ҳамкорликда “Jeep-sprint” халқаро мусобақасини ташкил этмоқда.
Тадбир 25-26 февраль кунлари Бўстонлиқ туманининг “Оқсоқотасой” ҳудудида ўтказилиши режалаштирилган.
Қайд этилишича, ҳозирда турнирга қизғин тайёргарлик кўрилмоқда. Мазкур мусобақага хорижий меҳмонларнинг оқими сезиларли даражада ошиши кутилмоқда.