ТОШКЕНТ, 17 фев — Sputnik. АҚШ Мудофаа вазири Ллойд Остин, президент Жо Байден, унинг миллий хавфсизлик бўйича маслаҳатчиси Жейк Салливан, Давлат котиби Энтони Блинкен ва котиб ўринбосари Виктория Нуланд уруш жиноятлари учун истеъфога чиқишлари керак. Бу ҳақда америкалик демократ сиёсатчи ва Кентукки губернаторлигига номзод Жеффри Янг маълум қилди, дея хабар берди РИА Новости.
“Ллойд Остин ҳозир дунёдаги энг ёмон, энг кучли уруш жиноятчиларидан бири.Уни истеъфога чиқариш ва расман айблаш ҳамда Байден, Салливан, Блинкен ва Нуланд билан бирга лавозимидан четлаштириш керак”, деб ёзди сиёсатчи ўзининг Twitter - саҳифасида.
Унинг фикрича, истисносиз, 1945 йилдан бери барча Америка президентлари ҳарбий жиноятчиларга айланди. Бундан ташқари, Янг Оқ уйни Киевни қўллаб-қувватлаётгани ва уни қурол-яроғ билан таъминлаётгани учун кескин танқид қилди.