Жуфтликлар ва ёш оилаларнинг рамзий бошпанаси – Япон боғи
Тошкент марказидаги Япон боғи февралнинг ҳоҳ ёмғирли бўлсин, ҳоҳ қуёшли кунида ўзига ҳос ва сеҳрли кўринади. Боғ романтиклар учун энг яхши жой. Айнан келин-куёвлар чиройли фотосессия учун боғга боради.
Яна бир топ манзиллардан бири “Анҳор-Локомотив” парки, у ерда Тошкент шаҳридаги энг баланд “Анҳор юлдузи” чархпалаги жойлашган.
Айниқса оқшомда бутун Тошкентни кўриш имкониятига эга бўлишингизни ҳисобга олса, ушбу манзил жуфтингиз билан 14 феврални ўтказиш учун идеал жой.
Парк ранг-баранг тус оладиган фавворалари ва Тошкентдаги “Эйфель” минораси билан жуфтликларга романтик кайфият улаша олади.
Амир Темур хиёбони – Тошкентнинг марказий қисми рамзи.Ҳиёбон доимо одамлар билан гавжум, ёшлар ва жуфтликлар учун ҳам аллақачон севимли масканга айланиб улгурган.
Тошкент телеминораси – 375 метрли, Марказий Осиёдаги энг баланд минора. Унинг ичида иккита айланадиган ресторан ҳам мавжуд.
Улуғвор иншоотдан Тошкент манзарасини томоша қилиш ҳар бир инсонга завқ бағишлайди.
Ботаника боғи – бу жой love story фотосессияларини уюштириш борасидаги энг севимли жой.
Magic city – “Миллий боғ” ҳудудида очилган энг ёрқин, ёшлар дам олиши, ўйнаб-кулиши мумкин бўлган манзил.
Тошкент Марказий экопарки – севишганларни тез-тез учратишингиз мумкин бўлган яна бир маскан, Севги ороли.
“Мовий гумбазлар” - пойтахтнинг марказий қисмида жойлашган, ўзига хос хиёбон. Машҳур китоб қаторлари, ёшларбоп ва шу билан бирга оилавий сайр қилиш учун қулай ва ўзгача атмосфераси сабабли бошқа хиёбонлардан ажралиб туради.