ТОШКЕНТ, 10 фев — Sputnik. Андижон вилоятининг Қўрғонтепа туманида Қирғизистондан ноқонуний олиб ўтувчи ер ости йўллари аниқланди. Бу ҳақда Ўзбекистон Давлат хавфсизлик хизмати (ДХХ) хабар берди.
Хабарда ёзилишича, 3 ва 9 февраль кунлари Ўзбекистон ДХХ ва ИИВ олиб борган тезкор тадбирлар давомида Қирғизистоннинг Ўш вилояти Қора-Суу тумани ҳудудидан Ўзбекистон давлат чегараси орқали Андижон вилояти Қўрғонтепа тумани ҳудудига олиб кирувчи иккита ер ости йўллари мавжудлиги аниқланди.
Қирғизистондан Ўзбекистонга ноқонуний олиб ўтувчи ер ости йўллари аниқланди
© Давлат хавфсизлик хизмати
Уларнинг ҳар бирининг эни 60 см, баландлиги 1,5 метр, узунлиги тахминан 150-200 метрга тенг.
Қирғизистондан Ўзбекистонга ноқонуний олиб ўтувчи ер ости йўллари аниқланди
© Давлат хавфсизлик хизмати
Бу ҳолатлар юзасидан Жиноят кодексининг 223-моддаси билан (Қонунга хилоф равишда чет элга чиқиш ёки Ўзбекистонга кириш) жиноий иш очилган.
Суриштирув олиб борилмоқда.