ТОШКЕНТ, 9 фев — Sputnik. Қамчиқ довонидан фуқароларни олиб ўтиш учун махсус поездлар ҳаракати йўлга қўйилади. Бу ҳақда “Ўзтемирйўлйўловчи” хабар берди.
Бугун Қамчиқ довонида қор кўчкиси хавфи юзага келганлиги сабабли соат 13:30 дан А-373 Халқаро автомобил йўли автомобиллар ҳаракати учун вақтинча ёпилди.
Шу сабабли фуқароларни довондан эвакуация қилиш штаби тузилди. Ҳозирда Фавқулодда вазиятлар вазирлиги ва “Ўзбекистон темир йўллари” ҳамкорлигида 902-сонли “Ангрен – Орзу – Поп” йўналишида махсус поезд рейси ташкил этилди.
Қамчиқ довони
© Ўзтемирйўлйўловчи
Бугун соат 18:00да Оҳангарон, Ангрен, Орзу темир йўл бекат ва вокзалларидан Поп вокзалигача йўловчи поездда эвакуация қилинди. Шунингдек, 901-сонли “Поп – Ангрен” йўналишида ҳам фуқароларни довондан эвакуация қилиш ишлари давом эттирилади.
Фавкулодда вазиятлар вазирлигига кўра, "Андижон-Термиз" йўналиши бўйича йўловчи поезди орқали "Поп-2" станциясидан 50 нафар, "Темирйўлобод" станциясидан 150 нафар йўловчилар ўз манзилларига юборилди.
"Оҳангарон" станциясига соат 19:40 да, "Ангрен" вокзалига 20:10 да, Орзу вокзалига соат 20:40 да келиши белгиланган.
Эслатиб ўтамиз, Қамчиқ довони автомобиль йўли қор кўчкиси хавфи сабабли транспорт воситалари харакати вактинча ёпилган.