ТОШКЕНТ, 7 фев — Sputnik. Шимолий Атлантика алянси Ҳинд-Тинч океани минтақасида Украинага можароси каби навбатдаги инқирозни қўзғатиш режасини ишлаб чиқмоқда, деб ёзмоқда “Global Times” нашри.
Шарҳловчи Сун Чжунпиннинг фикрича, агар “Осиёдаги ҳеч бўлмаганда бир давлат АҚШ гегемонлигини сақлаб қолиш учун Хитойга қарши марионеткага айланмоқчи бўлса” бу сценарийни амалга ошириш мумкин.
Кузатувчи Японияни бу ролга энг кўп номзод қилиб кўрсатди, чунки “у ҳар доим ҳокимият сиёсатини қўллаб-қувватловчи мамлакат бўлиб келган”.
"Япония ўзини Ғарб давлати деб ҳисоблайди ва Хитой билан тарихий зиддиятга эга. Буларнинг барчасидан Вашингтон фойдаланиши мумкин ва Япония "Осиё Украинаси"га айланади", - дея тахмин қилган нашр.
Муаллифнинг фикрича, блок кенгайтирилган “НАТО плюс” блокига Ҳинд-Тинч океани минтақасининг кўплаб давлатларини жалб қилиш учун Украинадаги можародан фойдаланиб, Россия ва Хитойни тажовузкор сифатида кўрсатади.
"НАТОнинг Ҳинд-Тинч океани минтақасига кенгайиш сиёсати "саккиз оёқ" стратегиясини эслатади. Блокнинг ўзи минтақавий масалалар билан бевосита шуғулланмайди, лекин унинг оёқларишуғулланади", - дея хулоса қилади нашр.
Хитойлик экспертлар НАТОнинг бундай ёндашуви алянсга “адолатли халқаро ташкилот” сифатида намоён бўлиб, Осиёдаги низо ва можароларга тўлиқ аралашиш имконини бериши ҳақида бир неча бор огоҳлантирган.