ТОШКЕНТ, 3 фев — Sputnik. Тошкентнинг "Олимпик" футбол клуби Европа клубини мағлубиятга учратди. Бу ҳақда Миллий олимпия қўмитаси хабар берди.
Туркияда йиғин ўтказаётган Ўзбекистоннинг “Олимпик” клуби Босния ва Герсеговинанинг “Велез Мостар” жамоасига қарши ўртоқлик учрашувини ўтказди.
Учрашув давомида “Олимпик” 2:1 ҳисобида ғалаба қозонди. Жамоа сафида голларга Алишер Одилов ва Русланбек Жиянов муаллифлик қилишди.
Тимур Кападзе шогирдлари навбатдаги учрашувни 4 февраль куни ўтказади. Унда Олимпик Иордания U -20 жамоаси рақиблик қилади.