Нодирбек Абдусатторов футболчи бўлиши мумкин эди: гроссмейстер ҳақида қизиқарли фактлар

ТОШКЕНТ, 2 фев — Sputnik. Шахматчи Нодирбек Абдусатторов - рапид бўйича энг ёш гроссмейстер ва жаҳон чемпиони. Қолаверса, ўзбекистонликлар ғурурланувчи спортчидир.

У опаси ва акасининг машғулотини томоша қилиб, шахмат бўйича ўз дунёсини кашф этди ва 11 ёшида ФИДЕнинг “ТОП-100 ўсмирлар” рўйхатига кирди. Абдусатторов муваффақиятига қарамай, Ўзбекистондаги энг сирли ва камтарин шахматчи бўлиб қолмоқда. Гроссмейстер ҳақидаги энг қизиқарли фактлар ҳақида материалимизда ўқинг.

Нодирбекнинг акаси ва опаси у ҳали кичкиналигида шахматчилар тўгарагига боришган. Бироқ болага уйда қараб қоладиган ҳеч ким бўлмагани сабабли Абдусатторовнинг онаси ўғлини ўзи билан олиб борар эди. Акаси ва опасининг машғулотларини томоша қилган Нодирбек шахмат тахтасида доналарнинг ҳаракатини мустақил ўзлаштирди ва ўйинга қизиқиб қолди.

Нодирбек мазкур мултфильмни ёқтиришини ўзининг ижтимоий тармоқларда “ёқди” тугмачаси билан белгилаган.

Нодирбек бу йил 19 ёшга тўлади. Ҳозирда шахматчи бутун вақтини ўз-ўзини ривожлантириш ва ўрганишга бағишламоқда.

Абдусатторов 2017 йил октябр ойида Санкт-Петербургда бўлиб ўтган Чигорин хотирасига бағишланган халқаро шахмат турнирида ҳиндистонлик 24 ёшли гроссмейстер Панаяппан Сетхураман ва 27 ёшли россиялик гроссмейстер Евгений Левинни мағлубиятга учратди. Турнирда 9 баллдан 6,5 балл тўплаган Нодирбек ғолиб бўлди ва тарихдаги иккинчи энг ёш гроссмейстерга айланди.

Бу ҳақда шахматчи ўз интервьюларида бир неча бор эслатиб ўтган. У ишнинг оғирлигига қарамай, бўш вақтида тўп суришидан хурсанд.

Нодирбек ўзининг асосий орзуси – шахмат бўйича катталар ўртасида жаҳон чемпиони бўлишдан ташқари, отасидан ўрнак олиб, ҳаётини ҳарбий хизмат билан боғламоқчи эканини айтган.

Бу ҳақда Нодирбек журналистлар билан суҳбатида айтиб ўтган. Эътиборлиси, у яқинда Нидерландиядаги халқаро мусобақада Магнус Карлсен устидан сенсацион ғалаба қозонишга муваффақ бўлди.

Жамоатчилик билан суҳбатда Дмитрий Қаюмов Нодирбек билан биринчи ўйиндан сўнг ақл бовар қилмайдиган истеъдодли болакай олдида турганини англаганини тан олган.

Нодирбек шахмат мусобақаларига тез-тез боришига қарамай, ўқишда тенгдошларидан қолмаслик учун астойдил ўқиди, репетиторларга борди.

Нодирбек рус ва инглиз тилларини ўрганмоқда ва уларда равон гапира олади.