ТОШКЕНТ, 30 янв — Sputnik. 2022 йилда Ўзбекистон 25 та хорижий давлатларга қиймати 10,5 миллион долларга тенг бўлган мебель маҳсулотларини экспорт қилган. Бу ҳақда Статистика агентлиги маълумотлари дарак бермоқда.
Мебель маҳсулотлари экспорти 2021 йил билан солиштирилганда 6,2 млн долларга ошган.
Ўзбекистон 2022 йилда энг кўп мебель маҳсулотларини экспорт қилган давлатлар:
• Қирғизистон – 4,2 млн;
• Қозоғистон – 2,1 млн;
• Тожикистон – 1,3 млн;
• Россия – 1,3 млн.
Шунингдек, Озарбайжон (994 минг), Ҳиндистон (91 минг), Италия (41 минг), Корея (37 минг), Германияга (26 минг доллар) мебель маҳсулотлари экспорт қилинган.