ТОШКЕНТ, 16 янв — Sputnik. Дилшодбек Усмоновнинг “Монтаж” қисқа метражли фильми “Mumbai Entertainment International Film festival India” фестивалида “Энг яхши эркак режиссёр” йўналишида ғолиб бўлди. Бу ҳақда Кинематография агентлиги матбуот хизмати маълум қилди.
Режиссер фильма "Монтаж" был удостоен награды в Индии.
© Информационная служба агентства кинематографии
Шунингдек, мазкур фильм “Дебют” фестивалининг II даражали “Гран При” мукофотига сазовор бўлган. У Гонконгда олий ўқув юртлари ўртасидаги “Global University Film Awards 2022” фестивали, Австрия пойтахти Вена шаҳрида бўлиб ўтган “Vienna International Film Awards” кинофестивали, “Москва премьераси” халқаро кинофестивали, Марокашда ўтказилган VII “Tetauon” халқаро фильм мактаблари кинофестивали, Қозоғистондаги “Бастау” бутун дунё талабалар ҳамда дебютантлар кинофестивалида иштирок этган ва турли йўналишларда тақдирланган.
Бундан ташқари кинокартина Бразилияда ўтказилган “Campinas film festival 2022”нинг “Энг яхши халқаро қисқа метражли фильм” мукофоти соҳиби бўлган.
Фильм сценарий муаллифи Ҳуснулло Жомонқулов, постановкачи режиссёр Дилшодбек Усмонов, постановкачи оператор Камолиддин Зиёвуддинов, постановкачи рассом Рустам Шоянов, картина директори Илҳом Абсаломов, бадиий раҳбар Тўйчи Аҳмедов.