ТОШКЕНТ, 5 янв – Sputnik Россия янги С-70Б (“Охотник”) зарба берувчи учувчисиз учиш аппарати билан ўз армиясини анчайин кучайтира олади, деб ёзади АҚШ армиясининг истеъфодаги офицери Брент Иствуд 19FortyFive нашрида чоп этилган мақоласида.
Мақола муаллифининг таъкидлашича, ушбу турдаги учувчисиз учиш аппаратининг энг ҳайратланарли қобилияти “Етакчи” режимида. Режим Россияда ишлаб чиқарилган бешинчи авлод Су-57 қирувчиси билан қўшма таркибда фойдаланишни назарда тутади.
“Ушбу концепцияси “тўрттагача “Охотник” билан ҳаракат қилишни назарда тутади . Улар қирувчидан олдин учиб, огоҳлантириши, йўл кўрсатиши ва ер бўйлаб зарбалар беришида кўмак бериши мумкин”, - дейилади мақолада.
“Орзудаги жамоа”, - деб ҳайрат билан ёзади мақола муаллифи.
Экспертнинг сўзларига кўра, С-70 ҳарбий самолётни кучайтиради ва уни янада “хавфли”лигини оширади. Бундан ташқари, унинг таъкидлашича, “Охотник”нинг вазифаларига нафақат ердаги нишонларни йўқ қилиш, балки радиоэлектрон кураш, шунингдек, разведка маълумотларини йиғиш ҳам киради.
Учувчисиз аппаратнинг хусусиятларини келтирар экан, Иствуд, шунингдек, С-70Б АЛ-41Ф1 икки контурли турбореактив авиация двигатели билан жиҳозланишини айтиб ўтган.
Мақолада ёзилишича, С-70Б ва Су-57нинг қўшма ҳаракати 2019 йилда синовдан ўтказилган.
“Охотник” Сухой тажрибавий-конструктив бюросида ишлаб чиқарилган. Узунлиги 14 метр, қанот узунлиги – 19 метр, парвоз массаси – 20 тоннадан ортиқ. Аппарат “учаётган қанот” схемаси бўйича, унинг радиолокацион ва иссиқлик белгиларини сездирмайдиган материаллардан ишлаб чиқарилган.
“Ростех” раҳбари Сергей Чемезовнинг сўзларига кўра, “Охотник” зарба берувчи оғир учувчисиз аппаратларнинг Мудофаа вазирлиги учун серияли ишлаб чиқарилиши 2023 йилда бошланади.