ТОШКЕНТ, 2 янв — Sputnik. 2023 йил 1 январь соат 17:00 ҳолатига кўра, Ўзбекистонда жами 1312 нафар чақалоқ дунёга келди. Бу ҳақда ССВ маълум қилди.
Таъкидланишича, уларнинг 687 нафари ўғил, 625 нафари қиз. Энг кўп туғилиш Фарғона вилоятида (172 нафар) қайд этилган.
Шунингдек, ҳудудлар кесимида кейинги ўринларни:
•Қашқадарё вилояти (169 нафар);
•Наманган вилояти (137 нафар);
•Сурхондарё вилояти (133 нафар);
•Самарқанд вилояти (121 нафар) банд этган.
Энг кам туғилиш эса Сирдарё вилояти (35 нафар) ҳиссасига тўғри келган.
Эътиборлиси, туғилганларнинг 7 нафари эгизакдир.
“Айни пайтда шифокорларимиз гўдакларнинг барчасига белгиланган стандартлар бўйича сифатли тиббий хизмат кўрсатмоқда”, дейилади хабарда.
Сўнгги маълумотларга кўра, янги йилнинг биринчи суткасида дунёга келган чақалоқлар сони 2155 нафарни ташкил этмоқда. 2018 йил худди шу куни 1961 нафар, 2019 йилда 1708 нафар, 2020 йилда 1974 нафар, 2021 йилда 1644 нафар, 2022 йилда эса 2316 чақалоқ туғилган эди. 2023 йил 1 январь куни дунёга келган гўдакларнинг:1056 нафари қиз, 1099 нафари ўғил.