ТОШКЕНТ, 31 дек - Sputnik. Португалиялик футболчи Криштиану Роналду Саудиянинг “Ан-Наср” клуби билан шартнома имзолади, деб хабар эълон қилинди жамоанинг расмий Twitter’ида.
AFP хабарига кўра, шартнома 2025 йилнинг июнигача имзоланган. Футболчи еттинчи рақам остидаги жамоада ўйнайди.
“Тарих яратилмоқда. Ушбу имзо нафақат клубимизни янада катта ютуқларга эришишга илҳомлантиради, балки лигамиз, миллатимиз ва келажак авлод ўғил-қизларини ўзларининг энг яхши версияси бўлишга ундайди. Криштиану янги уйингга хуш келибсан”, - дейилади хабарда.
Олдинроқ Испаниянинг Marca нашри Роналду “Ал-Наср” билан 2030 йилгача шартнома имзолаши, унинг 2,5 йилини португалиялик футболчи сифатида ўтказиши, фаолияти сўнгида эса 2030 йилги жаҳон чемпионатига мезбонлик қилиш учун подшоҳликнинг Миср ва Греция билан биргаликда топширадиган аризасини ривожлантириш учун Саудия Арабистони элчисига айланиши ҳақида хабар берган эди. ОАВ маълумотларига кўра, Роналду “Ал-Наср”да йилига реклама шартномалари билан 200 миллион евродан кўпроқ маош олади.
Роналду "Олтин тўп"нинг беш карра соҳиби. Фаолияти давомида у Португалиянинг “Спортинг”, “Манчестер Юнайтед”, Испаниянинг “Реал” ва Италиянинг “Ювентус” клублари шарафини ҳимоя қилган. У беш марта Чемпионлар лигасида ғолиб чиққан, уч марта Англия чемпиони, икки карра Испания ва Италия чемпиони бўлган. Роналду Португалия билан 2016 йилги Европа чемпионати ва 2018/19 йилги Миллатлар лигасида ғолиб чиққан.
Португалия терма жамоаси чорак финалга қадар етиб борган Қатардаги жаҳон чемпионати вақтида Роналду Англиянинг “Манчестер Юнайтед” клуби билан шартномасини муддатидан олдин якунлади.