ТОШКЕНТ, 28 дек — Sputnik. Россия ва Ўзбекистон ўртасидаги ҳамкорлик салоҳияти жуда улкан. Бу ҳақда Россиянинг Ўзбекистондаги элчиси Олег Мальгинов маълум қилди, деб хабар бермоқда Sputnik мухбири.
“Мамлакатларимиз ўртасидаги ҳамкорлик салоҳияти жуда катта, ва биз уни амалга оширишимиз керак. Бугун Ўзбекистон янгиланиш йўлида. Унинг ривожланиш истагидаги Россиянинг қўллаб-қувватлаши ўзгаришсиз қолмоқда”, - деди дипломат ОАВ вакиллари учун ташкил этилган матбуот анжуманида.
Унинг сўзларига кўра, икки мамлакат дуч келган барча қийинчиликларга қарамай, бу муҳим босқични ишончли, вақт синовидан ўтган дўстлар ва шериклар билан енгиб ўтган.
“Бизнинг мулоқотимиз дўстлик, яхши қўшничилик ва ўзаро ҳурмат тамойилларига асосланади ва сиёсий вазиятга боғлиқ эмас”, - деди Мальгинов.
Элчининг сўзларига кўра, бунда давлат раҳбари Владимир Путин ва Шавкат Мирзиёевнинг хизматлари беқиёс.
Россия 2022 йил январь-ноябрь ойларида Ўзбекистоннинг асосий ташқи савдо шериги мақомини қайтариб олди. Жорий йилнинг 11 ойида ўзаро товар айирбошлаш ҳажми ўтган йилнинг шу даврига нисбатан 26,5 фоиздан зиёдроққа ошди (8,3 миллиард долларгача).
Россия Ўзбекистон иқтисодиётига сармоя киритаётган энг йирик инвестор бўлиб қолмоқда
Ўзбекистон маълумотларига кўра, бугунги кунда сармоялар ҳажми 13 миллиард доллардан ошган (жами инвестицияларнинг 21 фоизи). Республикада 3000 га яқин Россия иштирокида қўшма корхоналар фаолият кўрсатмоқда, Россияда эса Ўзбекистон резидентлари иштирокидаги 600 дан ортиқ компаниялар рўйхатга олинган.