ТОШКЕНТ, 27 дек — Sputnik. Украина Ғарб ва Совет қуроллари захирасини ишлатиб юборди. Бу ҳақда Чеченистон раҳбари ёрдамчиси, “Aхмат” махсус кучлари қўмондони, ЛХР Халқ милициясининг 2-армия корпуси қўмондони ўринбосари Aпти Aлаудинов маълум қилди.
“НAТО блоки томонидан Украинага қурол етказиб беришни дарҳол такрорлашнинг иложи бўлмайди. Уларда экспорт учун бундай ҳажмлар йўқ. Нафақат етказиб берилган қуроллар, балки Украина ҳудудида жойлашган Совет Иттифоқида ишлаб чиқарилган жуда кўп миқдордаги қуроллар ҳам ишлатиб юборилди”, дейди у.
Бундан ташқари, қўмондон Aртёмовск яқинидаги Украина Қуролли кучлари қўлида бўлган вазият ҳақида гапирган.
“Фронт барқарор. Aртёмовск бизнинг бўлинмалар томонидан тизимли равишда бостириб келинмоқда. Фақат битта натижа бўлади - Aртёмовск озод қилинади. Биз бироз секин ҳаракат қилаётганимизнинг асосий ва ягона сабаби - тинч аҳоли орасида қурбонлар бўлишини олдини олишдир”, дея қўшимча қилди у.
У, шунингдек, НAТО Россиянинг Aртёмовск томон юришини секинлаштиришга “бор куч ва воситалари билан” ҳаракат қилаётганини таъкидлади.
24 февралдан бери Россия Украинани демилитаризация ва денацификация қилиш бўйича махсус ҳарбий операция ўтказмоқда. Владимир Путин унинг мақсадини “саккиз йил давомида Киев режими томонидан безорилик ва геноцидга учраган одамларни ҳимоя қилиш” деб атаган. Қуролли кучларнинг вазифаси Донбассни озод қилиш ва Россия хавфсизлигини кафолатлашдир.